ﻋﺮﻓﺘﻮﻧﻲ ﺃﻧﺎ ﺷﻜﻮﻥ ؟؟
ﺃﻧﺎ ﺍﻟﻠﻲ ﺗﺰﺍﺩﻳﺖ ﻓﺴﺒﻴﻄﺎﺭ ﺍﻟﻤﺨﺰﻥ ﻭ ﻗﺮﻳﺖ ﻓﻤﺪﺭﺳﺔ ﺍﻟﻤﺨﺰﻥ…
ﻭ ﻓﺰﮔﻮﺍ ﻟﻴﺎ ﻟﻜﺘﻮﺑﺔ ﺑﺎﻟﺸﺘﺎ ﺣﻴﺖ ﻋﻤﺮﻧﻲ ﺭﻛﺒﺖ ﻓﺴﻴﺎﺭﺓ ﺍﻟﻨﻘﻞ ﺍﻟﻤﺪﺭﺳﻲ ..
ﺃﻧﺎ ﺍﻟﻠﻲ ﻛﻨﺖ ﺑﺎﻟﻔﺮﺣﺔ ﺩﻳﺎﻝ ﻟﻌﻴﺪ ﻣﺎ ﻛﻨﻌﺴﺶ ﻭ ﻛﻨﺒﻴﺖ ﺣﻮﺍﻳﺞ ﻟﻌﻴﺪ ﺣﺪﺍ ﺭﺍﺳﻲ …
ﺍﻧﺎ ﻟﻲ ﺻﻮﻧﻴﺖ ﻓﺪﻳﻮﺭ ﺍﻟﺠﻴﺮﺍﻥ ﻭﻫﺮﺑﺖ …
ﺃﻧﺎ ﺍﻟﻠﻲ ﻛﻠﻴﺖ ﺍﻟﻔﻼﻗﺔ ﻋﻠﻰ ﺟﺪﻭﻝ ﺍﻟﻀﺮﺏ ﻭﻋﻤﻠﻴﺔ ﺍﻟﻘﺴﻤﺔ ﻭﺃﻧﺎ ﺍﻟﻠﻲ ﻗﻄﻌﺖ ﺍﻟﻔﻠﻮﺱ ﺍﻟﻠﻲ فكتاب اﻟﺮﻳﺎﺿﻴﺎﺕ..
أﻧﺎ ﻟﻲ ﺩﻳﺖ ﺍﻟﺨﺒﺰ ﻟﻠﻔﺮﺍﻥ ﻭﻃﻴﺤﺘﻮ ﻓﺎﻟﻄﺮﻳﻖ ﻭ ﺟﻤﻌﻮﻩ ﻟﻴﺎ ﺍﻟﻨﺎﺱ..
ﻭﺃﻧﺎ ﺍﻟﻠﻲ ﺷﺮﻳﺖ ﺟﺎﻓﻴﻞ ﺩﻟﻌﺒﺎﺭ ﻭ ﺑﻘﻴﺖ ﻧﻠﻌﺐ ﺑﺎﻟﻘﺮﻋﺔ ﺣﺘﻰ ﺧﺼﺮﺕ ﺣﻮﺍﻳﺠﻲ ﺑﻴﻪ ﻭ ﺟﻴﺖ ﻟﻠﺪﺍﺭ ﻛﻠﻴﺖ ﺳﻠﺨﺔ ﺩﻳﺎﻝ ﺍﻟﻌﺼﺎﺍﺍﺍ..
ﻭﺃﻧﺎ ﺍﻟﻠﻲ ﻛﻠﻴﺖ ﺧﺒﻴﺰ ﻓﻴﻪ ﺍﻟﻄﻮﻥ ﻭ ﺍﻟﺤﺮﻭﺭ ﻗﺪﺍﻡ ﺍﻟﻤﺪﺭﺳﺔ ﻭﺗﻔﺎﺣﺔ ﻓﻴﻬﺎ ﻻﺳﺘﻴﻚ، ﻭﻛﺎﻧﺖ ﺍﻟﺴﻌﺎﺩﺓ ﺩﻳﺎﻟﻲ ﻫﻲ ﻧﮕﻠﺲ ﺣﺪﺍ ﺍﻟﻮﻟﻴﺪﺓ ﻭﻫﻲ ﻛﺘﻬﺮﺱ ﺍﻟﻘﺎﻟﺐ ﺩﻳﺎﻝ ﺳﻜﺎﺭ ﺑﺎﺵ ﻧﺎﺧﺪ ﺩﺍﻙ ﺍﻟﻠﺐ ﻟﺒﻴﺾ ﻭﻧﺎﻛﻠﻮﻭ..
ﺃﻧﺎ ﻟﻲ ﺭﺑﻴﺖ ﻟﻔﻼﻟﺲ ﻭﺩﻭﺩﺓ ﺍﻟﻘﺰ..
ﺃﻧﺎ ﻟﻲ ﺑﻜﻴﺖ ﻓﺎﺵ ﻣﺎﺗﻮﺍ ﻭﺍﻟﺪﻳﻦ ﻣﺎﻭﻛﻠﻲ، ﻭﺗﺴﻨﻴﺖ ﺍﻟﺤﻠﻘﺔ ﺍﻷﺧﻴﺮﺓ ﻟﻲ ﻏﺎﺩﻱ ﺗﻌﺮﻑ ﻓﻴﻬﺎ ﻣﻴﺎﺩﺓ ﺷﻜﻮﻥ ﻫﻮ ﺍﻟﻨﻤﺮ ﺍﻟﻤﻘﻨﻊ..
ﻭﺃﻧﺎ ﺍﻟﻠﻲ ﻛﻨﺖ ﻧﺘﺴﺨﺮ ﻧﺠﻴﺐ ﺍﻟﺰﻳﺘﻮﻭﻥ ﻭﻣﺎﻧﺨﻠﻠﻲ ﻓﻴﻪ ﺣﺘﺊ ﺣﺒﺔ ﻭ ﺃﻧﺎ ﻟﻲ ﻃﺤﺖ ﻓﺎﻟﺰﻧﻘﺔ ﻭ ﺩﺍﻭﻳﺖ ﺍﻟﺠﺮﺡ بالتراب وﺑﺎﻟﺘﺤﻤﻴﺮﺓ..
ﻭﺍﻧﺎ ﺍﻟﻠﻲ ﻛﻨﺖ ﻛﻨﻘﻮﻝ ﻟمي ﺩﻳﻤﺎﺍ ﺩﻳﺮﻱ ﻟﻴﺎ ﺧﺒﻴﺰﺓ ﺻﻐﻴﻮﺭﺓ..
ﻭ ﺃﻧﺎ ﺍﻟﻠﻲ ﻟﻌﺒﺖ ﺍﻟﺸﻔﺎﺭﺓ ﻭ ﺍﻟﺒﻮﻟﻴﺲ ﻓﺎﻟﺪﺭﻳﺒﺔ ﻭ ﻛﻨﺖ ﻛﺎﻧﺨﻠﻲ ﺍﻟﺸﻜﺎﺭﺓ ﻓﺎﻟﺪﺭﻭﺝ باﺵ ﻧﻠﻌﺐ ﺣﺎﺑﺔ ﻭ دينيفري وكورة ..
ﺃﻧﺎ ﻟﻲ ﻛﻨﻬﺮﺱ ﺩﻳﻤﺎ ﺍﻟﻤﺴﻄﺎﺭﺓ ، ﻭﻛﻴﻔﻴﺾ ﻟﻴﺎ ﺍﻟﺴﺘﻴﻠﻮ ﺯﺭﻕ ﻓﻼﺗﺮﻭﺱ ﻭﺃﻧﺎ ﺍﻟﻠﻲ ﺗﻘﺒﺖ ﺍﻟﺪﻓﺘﺮ ﺑﺎﻟﮕﻮﻣﺔ ﺍﻟﺰﺭﻗﺎ ﺣﻴﺖ ﻛﺎﻧﻮ ﻛﺎﺫﺑﻴﻦ ﻋﻠﻴﻴﻨﺎﺍﺍﺍ ﻭﻋﻨﺪ ﺑﺎﻟﻨﺎ ﺭﺍﻫﺎ ﻛﺘﻤﺴﺢ ﺍﻟﺴﺘﻴﻠﻮﻭﻭ..
ﻭ ﺃﻧﺎ ﺍﻟﻠﻲ ﻗﺎﻟﺖ ﻟﻴﺎ ﺍﻷﺳﺘﺎﺩﺓ جيب 2 ﺩﺭﺍﻫﻢ ﺩﻳﺎﻝ ﺍﻟميكة غليضة ﻟﻠﻄﺎﻭﻟﺔ …
ﺍﻧﺎ ﺍﻟﻠﻲ ﺩﺭﺕ ﺩﻓﺘﺮ ﺍﻟﺬﻛﺮﻳﺎﺕ ﻭ ﻟﺴﻘﺖ ﻓﻴﻬﺎ ﺍﻟﻘﻠﻮﺑﺔ ﻭ ﺗﺼاور النجوم ﻭﺯﻳﻴﻴﻴﻴﻴﻴﺪ ﻭ ﺯﻳﻴﻴﻴﺪ..
ﺃﻧﺎﺍﺍﺍﺍﺍﺍ ﻭﺃﻧﺘﻮﻭﻣﺎ ﻭﻻﺍﺍﺍﺩ ﺍﻟﺸﻌﺐ ،ﻧﺤﻦ ﻣﻨﺘﻮﺝ ﻣﺤﻠﻲ ﻟﻲ ﻏﺎﺏ ﻋﻠﻴﻪ ﺍﻟﺸﻴﻜﻲ ﻭﺍﻟﺘﺒﻌﻜﻴﻚ ﻭﺍﻟﺘﻘﻠﻴﺪ ﺍﻷﻋﻤﻰ ﻭ ﺟﻴﻞ ﺍﻷﻳﻔﻮﻥ ﻭ ﺍﻷﻳﭙﺎﺩ ﻭﺩﺍﻛﺸﻲ ﺩﻳﺎﻝ ﺩﺍﺑﺎ ﺍﻟﻠﻲ ﻣﺸﺎﺕ ﻣﻨﻨﻮ ﺍﻟﺒﺮﻛﺔ …
ﻋﺮﻓﺘﻮﺍ ﻋﻼﺵ ﻭﻟﻴﻨﺎ ﻫﻜﺬﺍﺍﺍﺍﺍ ?؟ ﺣﻴﺖ ﺣﺘﻰ ﻭﺍﺣﺪ ﻣﺎﺑﻘﻰ ﺭﺍﺿﻲ ﻳﻜﻮﻥ ﻭﻟﺪ ﺍﻟﺸﻌﺐ…