الروينة نايضة فالويب العالمي. البارح وقعت واحد العملية إختراق تاريخية تضربت فيها منظمة الصحة العالمية و معهد ووهان لأبحاث الفيروسات و مؤسسة غيتس و العديد العديد من الجهات لي عندها ارتباط بقضية كورونا، بحيث ناضو شي مجهولين و سربو واحد القائمة فيها ما يقارب 25000 بريد إلكتروني بكلمات المرور ديالهم كلهم ديال مسؤولين كبار و نشروهم للعموم فالويب ، مجموعة سايت الإستخباراتية تعقبات خيوط هاد االحبكة و اكتشفت أن البلان بدا يوم الأثنين بالضبط بحيث ناضو شي مساخط محسوبين على اليمين المتطرف أغلبهم من جماعة النازيين الجدد و تيار White supremacy و نشرو ديك القائمة ديال الإيميلات فمنصة 4chan السيئة السمعة لي معروفة بهاد التواشا ديال التطرف، شويا و تنشرت القائمة فموقع تخزين النصوص Pastebin و بداو كايتناقلوها أنصار اليمين المتطرف بيناتهم فقنوات Telegram ، هاد الإيميلات بالPasswords ديالهم فيهم شي 2732 ديال مسؤولين فمنظمة الصحة العالمية و 5120 ديال البنك الدولي و 269 ديال مؤسسة بيل غيتس و 6857 ديال مركز الولايات المتحده لمكافحة الأمراض و 938 ديال المعهد الوطني الأمريكي للصحة و 21 ديال معهد ووهان للفيروسات ، كدلك طاحو فشي فاكتورات ديال الملياردير بيل غيتس وحدة فيهم فيها 150 مليون دولار تبرع بيها لمعهد ووهان ، كي دارو حتى طاحو على هاد القائمة؟ حتى واحد معارفش لكن الفرضية المرجحة غادي يكونو شراوها من الديب ويب ، حاليا الFBI و أغلب المؤسسات لي تقاسو بهاد القائمة ضاربين الطم ، إلا منظمة الصحة العالمية اليوم خرجت بيان قالت أنه المعطيات الخاصة بالناس لي خدامين عندها تسرقو و تنشرو للعموم .
الغرض من هاد التسريب واضح بحيث المشككين ناويين يوصلو للحقيقة مهما كلف التمن و حاليا بيل غيتس محطوط فرقعة الإتهام، دبا ما هي إلا مسألة وقت و يديرو يديهم على المعلومات المصيرية لي غادي تحل هاد اللغز ، توقعو فضيحة القرن فالساعات القليلة القادمة…
منقول
الخبر منشور فجريدة واشنطن بوست هنا