مول الشكارة و #المحمدية
قصة حقيقية
نهار كتعطي لمول الشكارة يسر مدينة توقع منه العجب العجاب، نعطيكم مثال بصفقة النظافة بالمحمدية سنة 2004 وتبعوا معايا حتى الاخير حيث كاينة طامة كبرى جدا غادي تشدوا راسكم منين تقراوها !حسب تقرير المجلس الاعلى للحسابات هذا ما حصل :
1. الرئيس قدر تكلفة النظافة حينها ب 8 مليون درهم، العروض التي تقدمت بها الشركات كانت :
* شركة SOS هو 19.268.995,85 درهم.
* شركة تيكميد : 25.237.451,03 درهم.طبعا الفرق بين التقدير والعروض يتجاوز ثلاث اضعاف !!! وهذا خلل كبير في التقدير لا يمكن بحال ان تتحمله الميزانية. ( ضعف كبير في الكفاءة)
ستقولون ان شركة SOS هي الفائزة طبعا ؟!!
لااااا، تم اقصاؤها بسبب عدم تطابق جدول الأثمان مع دفتر المقتضيات الخاصة، وبالتالي تم الابقاء على شركة “تيكميد” !! والتي حسب قضاة المجلس الاعلى للحسابات ينطبق عليها نفس عدم تطابق جدول الاثمان مع دفتر المقتضيات ومع ذلك تم اقصاء الاولى والابقاء على الثانية !!!
باقي شي تخلويض آخر ؟! نعم ! تبع ..
الرئيس فتح المفاوضات مع شركة “تيكميد” باش تنقص شوية العرض ديالها لي فايت 25 مليون درهم، الشركة قدمت عرض جديد لي هو 19.950.453,91 درهم، بحيث قلصت الشركة عدد ايام الكنس من 365 يوم الى 312 يوم !! (-53 يوم )
يعني هذا الخصم سيكون على حساب نظافة المدينة.سخن عليك راسك ولا باقي ؟!! غير هذي و يتطرطق ? وسمع الطامة :
قضاة المجلس الاعلى وهما كيبحثو في الوثائق طاحو على واحد الوثيقة عبارة عن التزام بين الاطراف (الجماعة وشركة تيكميد) بمبلغ 19.950.453,91 درهم مؤرخة في 21 ابريل 2004 ! عشية اليوم الذي اجتمعت فيه لجنة فتح الاظرفة !!???
في حين ان طلب الرئيس الموجه للشركة من اجل الخصم تم بتاريخ 21 يونيو 2004 !!! ( شهرين )
يعني ان الناس عطاو الصفقة للشركة قبل لجنة فتح الاظرفة وموجدين كلشي شهرين قبل طلب الخصم !!!!!!!!!?????????دبا، حل عينيك شوية، خصك تسولني : واش دراو مع الرئيس ؟! واش فتحو تحقيق؟ واش كانت متابعة ؟!!!
الجواب حبيبي ان هذاك الرئيس ديال الجماعة اليوم اصبح هو رئيس مجلس العمالة ( ترقية )، وضارب واحد Audi ب 60 مليون من فلوس العمالة كيدور بها في المحمدية و فايت صرح للصحافة : لي بغى شي دويرة يقولها لي !!!
وسير زرع الثقة انت في العملية السياسية ?